Пайдалануға ендіру

Аккумуляторды орнату

  • Электр құралыңыздың зауыттық тақтайшасында белгіленген кернеуге ие түпнұсқа Bosch литий-иондық аккумуляторларын ғана пайдаланыңыз. Басқа аккумуляторларды пайдалану жарақат алуға немесе өртке әкелуі мүмкін.

Нұсқау: Электр құралыңызға арналмаған аккумуляторды пайдалану қате жұмыс істеуіне немесе электр құралының зақымдануына алып келуі мүмкін.

Зарядталған аккумуляторды алдыңғы жақтан (18) электр құралының аяғына кіргізіңіз. Аккумуляторды берік бекітілгенше толықтай аяққа кіргізіңіз.

Көлемдік ағынды реттеу

Қосқышты/өшіргішті (13) басу күшін өзгерте отырып, қосылған картридждік пресс көлемдік ағынын біртіндеп реттеуге болады.

Көлемдік ағын шектегішімен (11) максималдық тісті рейканың (7) жылжуын алдын ала реттеуге болады. Жоғары мәндер үлкен жылжуды білдіреді, кіші мәндер кіші жылжуды.

Максималдық көлемдік ағын жұмыс кезінде де реттелуі мүмкін.

Қысып шығарған материал көлемі қосымша ретте бүріккіш форсунка тесігінің өлшеміне де байланысты.

Қосу/өшіру

Картридждік прессті іске қосу үшін қосқыш/өшіргішті (13) басыңыз.

Картридждік прессті өшіру үшін қосқышты/өшіргішті (13) жіберіңіз. Қосқыш/өшіргішті босатқаныңызда, тісті рейка арқаға жылжиды, осылай тығыздауыш массаға қысым алынады. Осылай қосқыш/өшіргіш жіберілгенде тығыздауыш масса шықпауы қамтамасыз етіледі.

(14) құлыбымен қосқыш/өшіргішті (13) кездейсоқ қосудан құлыптауға болады.

Артық жүктемеден жылу қорғанышы

Рұқсат етілген температурадан артып кетсе картридждік пресс өшеді. Картридждік прессти суытып қайта қосыңыз.