Безбедносни напомени за батериски пиштоли за силикон
- Пред било каква интервенција на електричниот алат (на пр. одржување, замена на алат итн.) како и при негов транспорт и складирање, извадете ја батеријата од него. При невнимателно притискање на прекинувачот за вклучување/исклучување постои опасност од повреди.
- При оштетување и непрописна употреба на батеријата може да излезе пареа. Батеријата може да се запали или да експлодира. Внесете свеж воздух и доколку има повредени однесете ги на лекар. Пареата може да ги надразни дишните патишта.
- Не ја отворајте батеријата. Постои опасност од краток спој.
- Батеријата може да се оштети од острите предмети како на пр. клинци или одвртувач или со надворешно влијание. Може да дојде до внатрешен краток спој и батеријата може да се запали, да пушти чад, да експлодира или да се прегрее.
- Користете ја батеријата само во производи од производителот. Само на тој начин батеријата ќе се заштити од опасно преоптоварување.
| Заштитете ја батеријата од топлина, на пр. од долготрајно изложување на сончеви зраци, оган, нечистотии, вода и влага. Инаку, постои опасност од експлозија и краток спој. |
- По автоматското исклучување на пиштолот за силикон, не притискајте на прекинувачот за вклучување/исклучување. Батеријата може да се оштети.
- При работа со батерискиот пиштол за силикон носете лична заштитна опрема, којашто е препорачана од производителот на потрошниот материјал. Напомени за ова ќе најдете на безбедносниот лист на потрошниот материјал. Во секој случај носете заштитни очила и ракавици, коишто се наменети за работа со хемиски супстанци. Во зависност од материјалот, потребни се и дополнителни заштитни мерки.
- Овој електричен алат смее да се користи само за истиснување на заптивни смеси и лепила од комерцијални тубуларни ќеси и патрони. Истиснувањето на други материјали или употребата на специфични системи за пакување е строго забранета.
- При обработка на испарливи или опасни супстанции треба да се внимава работното место да биде доволно проветрено и по потреба да се носи соодветен апарат за дишење.
- Бидете сигурни дека тубуларните ќеси и патроните се со правилната големина за овој електричен алат. Бидете сигурни дека тубуларните ќеси и патроните одговараат за држачот за ќеси и патрони и дека тој е добро прицврстен во електричниот алат. Дури тогаш започнете со притискање на материјалот.
- Никогаш не се обидувајте, да истиснувате материјал од погрешно насочен или затнат патрон.
- За да избегнете опасности поради делови што одлетуваат, бидете сигурни дека електричниот алат никогаш не се употребува со лабаво капаче за затворање. Ако отворот за истекување е блокиран за време на употребата, мора да се замени.
- За време на употребата на електричниот алат никогаш не го насочувајте истиот кон себе или кон други лица.


